Sempre piena de sol, de splendor - xe LUSSIN che se specia nel mar; - xe un'ebrezza l'odor dei so fiori, - el so limpido ciel fa incantar. - Come un lago el so porto xe quieto, - qua le barche in riposo le sta; - oh paese del sol benedeto, - ti la gioia nell'aria ti ga! - Le to picie casette, i tui orti - mete un senso de pase nel cor, - el tuo clima resuscita i morti, - le to done risveglian l'amor. - I to fioi che travaglia lontani - i rimpiasi 'sto porto, 'sto ciel, - via de ti che par secoli i ani, - co i xe qua par che i nudi nel miel. -